МАШИНА ЖАСАУ ЖӘНЕ ТОРАПТЫҚ ҚҰРЫЛҒЫЛАРДЫ ЖОБАЛАУҒА АРНАЛҒАН АВТОМАТТАНДЫРЫЛҒАН ЖҮЙЕЛЕР

Аңдатпа

Бұл жұмыста бөлшектерді жобалаудың заманауи әдістері мен инженерлік шешімдерді оңтайландыру және модельдеудің дәлдігін арттыру үшін автоматтандырылған жобалау жүйелерін (САПР) интеграциялау қарастырылады. Зерттеу тақырыбының өзектілігі қазіргі бағдарламалық кешендерді пайдаланып, инженерлік жобалау тиімділігін және студенттердің білім алу сапасын арттыру қажеттілігінен туындайды. Зерттеу объектілері ретінде механикалық жүктемелерді модельдеу, бөлшектерді жобалау және MARC, PATRAN, Pro/ENGINEER және Trace Mode 6 бағдарламалары арқылы интеграцияланған өлшеу жүйелерін құру процестері алынған. Зерттеудің мақсаты – интеграцияланған САПР мүмкіндіктерін зерттеп, жобалауды автоматтандыру және білім беру процесінің сапасын арттыру. Мақсатқа жету үшін келесі міндеттер қойылды: бар бағдарламалық құралдарды талдау; механикалық деформациялар мен жүктемелерді модельдеу; бөлшектердің локалды және глобалды модельдерін құру; сигналдарды өңдеуді және өлшеу жүйелерін жобалауды автоматтандыру мүмкіндіктерін зерттеу; интеграцияланған САПР-ды өндірістік және білім беру процестеріне енгізудің практикалық маңыздылығын бағалау. Зерттеу нәтижелері интеграцияланған бағдарламалық кешендерді қолдану есептеулердің дәлдігін арттыратынын, жобалау уақытын қысқартатынын және қателіктер санын азайтатынын көрсетті. MARC және PATRAN бағдарламаларында элементтер әдісін қолдану механикалық жүктемелерді егжей-тегжейлі модельдеуге мүмкіндік береді, ал Trace Mode 6 сигналдар мен құрылғыларды автоматтандыруға жағдай жасайды. Виртуалды модельдер құру және әртүрлі жобалау деңгейлерін интеграциялау инженерлік шешімдердің тиімділігін қамтамасыз етеді. Зерттеу қорытындысы қазіргі САПР жүйелерін интеграциялау ғылыми-зерттеу және білім беру іс-шаралары үшін жаңа мүмкіндіктер ашады, бөлшектер мен өлшеу жүйелерін жобалау сапасын арттырады, сонымен қатар өндірісте инновациялық тәсілдерді енгізу үшін жағдай жасайды. Практикалық маңыздылығы интеграцияланған САПР-ды технологиялық процестерді оңтайландыру және студенттерді заманауи инженерлік әдістерге оқыту үшін қолдануға болады.