ДИНАМИКАЛЫҚ ТЕЖЕУ РЕЖИМІНДЕГІ РЕТТЕЛЕТІН ЭЛЕКТР ЖЕТЕГІНІҢ СТАТИКАЛЫҚ СИПАТТАМАЛАРЫ

Аңдатпа

Бұл жұмыс жоғары жиілікті импульстік түрлендіргіштерді қолдану арқылы басқарылатын динамикалық тежеу режиміндегі тұрақты және айнымалы токты реттелетін электр жетектерін зерттеуге арналған. Өнеркәсіптік электр жетектеріне қойылатын энергия тиімділігі мен сенімділік талаптарының артуы тежеу режимдерінде күштік бөлікте жүретін процестерді терең талдауды және токтың үзік және үздіксіз режимдерінің статикалық әрі механикалық сипаттамаларға әсерін бағалауды қажет етеді. Зерттеудің мақсаты – динамикалық тежеу режиміндегі реттелетін электр жетегінің күштік бөлігінің параметрлерін негіздеу және импульстік түрлендіргіштердің тұрақты жұмыс диапазонының шекараларын анықтау. Осы мақсатқа жету үшін схемалық шешімдерді талдау, имитациялық модельдерді әзірлеу, статикалық, реттеу және механикалық сипаттамаларды зерттеу, сондай-ақ импульстік түрлендіргіштің шектік толтыру коэффициентін анықтау міндеттері қойылды. MATLAB–Simulink ортасында жүргізілген аналитикалық және имитациялық модельдеу нәтижесінде әртүрлі қуаттағы электр жетектерінің статикалық және механикалық сипаттамалары алынды. Электр қозғалтқышының қуаты артқан сайын үзік ток аймағының тарылып, үздіксіз ток аймағының кеңейетіні анықталды. Ток режимдерінің ауысуына сәйкес келетін импульстік түрлендіргіштің шектік толтыру коэффициенттері анықталып, олардың якорь тізбегінің уақыт тұрақтысына тәуелділігі әлсіз екені көрсетілді. Алынған нәтижелер ұсынылған гипотезаның дұрыстығын растайды және басқарылатын динамикалық тежеу режимдеріндегі электр жетектер туралы ғылыми түсініктерді толықтырады. Зерттеу нәтижелерін электр жетектерін жобалау мен автоматты басқару жүйелерін баптау кезінде қолдануға болады.