ТЕМІРЖОЛ СТАНЦИЯСЫНЫҢ ТЕХНОЛОГИЯЛЫҚ ПРОЦЕСІН БАЛАМАЛЫҚ МОДЕЛЬ НЕГІЗІНДЕ МОДЕЛЬДЕУГЕ АРНАЛҒАН БАҒДАРЛАМАЛЫҚ ЖАСАҚТАМАЛАРҒА ШОЛУ ЖӘНЕ ТАЛДАУ

Аңдатпа

Қазіргі заманда теміржол жүйелерінің тиімділігі мен қауіпсіздігі транспорттық инфрақұрылымның басты мәселелерінің бірі болып табылады. Бұл зерттеу теміржол станциясының технологиялық процесін модельдеу үшін әртүрлі бағдарламалық қамтамасыз етуді талдайды, олардың артықшылықтары мен кемшіліктерін салыстырады. AnyLogic, Aimsun, AutoMod және MvStudium сияқты бағдарламалық пакеттердің функционалды мүмкіндіктері қарастырылды, сонымен қатар олардың симуляциялық тәжірибелер жүргізу, операциялық және логистикалық шешімдерді оңтайландыру қабілеттері бағаланды. Зерттеу көрсеткендей, теміржол жүйелерін компьютерлендіру және визуалды модельдеу операциялық тиімділікті арттыруға, ресурстарды тиімді пайдалануға және технологиялық процестерді басқаруға мүмкіндік береді. Модельдеудің интегративтік тәсілдері техникалық және операциялық процестерді нақтырақ сипаттауға, болашақта интеллектуалды басқару жүйелерін енгізуге негіз береді. Сонымен қатар, зерттеу ергатикалық жүйелерді қолдану арқылы адам факторының әсерін есепке алу мүмкіндігін көрсетеді, бұл моделдеу сапасын арттырады және нақты сценарийлерді симуляциялауға мүмкіндік береді. Қорытындысында, теміржол станцияларының тиімділігін бағалау және болжау үшін функционалды модельдерді құрудың жаңа әдістері ұсынылады, бұл инновациялық және ғылыми тұрғыдан маңызды шешімдерге жол ашады.