ТАСЫМАЛДАУ ПРОЦЕСІН БАСҚАРУДАҒЫ ИННОВАЦИЯЛЫҚ ДАМУ БАҒЫТТАРЫ

Аңдатпа

Қазіргі жағдайда теміржол көлігінің дамуы тасымалдау процесін 
басқаруда инновациялық технологияларды енгізуді талап етеді. Жүк ағындарын тиімді 
ұйымдастыру желінің өткізу қабілетін арттырудың, ресурстарды оңтайлы пайдаланудың 
және экономикалық тиімділікті қамтамасыз етудің негізгі факторы болып табылады. 
Зерттеу өзектілігі барлығы динамикалық өзгеріп отырған тасымалдау жағдайларына 
басқару әдістерін бейімдеу қажеттілігімен, жүк жеткізу жылдамдығы мен қызмет көрсету 
сапасына қойылатын талаптардың өсуімен, сондай-ақ нақты уақыт режимінде талдауды 
қажет ететін ақпарат көлемінің артуымен анықталады. Зерттеудің мақсаты – адаптивті 
технологиялар мен автоматтандырылған ақпараттық жүйелерді пайдалана отырып, 
тасымалдау процесін басқаруда инновациялық дамудың бағыттарын зерттеу және негіздеу. 
Зерттеу міндеттеріне қазіргі басқару әдістері мен ақпараттық жүйелерді талдау, жүк 
ағындарын басқарудың адаптивті моделін әзірлеу, ұсынылған шешімдердің тиімділігін 
бағалау, сондай-ақ нәтижелерді одан әрі дамыту және практикалық қолдану 
перспективаларын анықтау кіреді. Зерттеудің гипотезасы – аналитикалық функцияларды 
автоматтандырылған басқару жүйелеріне интеграциялау тасымалдау процесінің тиімділігі 
мен сенімділігін арттырады. Зерттеу барысында жүйелік талдау, функционалды модельдеу, 
математикалық болжау, сараптамалық бағалау және ірі деректерді талдау әдістері 
қолданылды. Зерттеу материалы ретінде теміржол желісінің жұмысы туралы 
статистикалық 
деректер, 
нормативтік 
құжаттар, 
АСУЖТ және жергілікті 
автоматтандырылған жұмыс орындарының (АРМ) жұмысы, сондай-ақ отандық және 
шетелдік авторлардың жарияланымдары пайдаланылды. Зерттеу нәтижелері адаптивті 
басқару технологияларын енгізу желінің өткізу қабілетін арттыруға, пойыз қозғалысының 
өзгерістеріне реакция уақытын қысқартуға, локомотивтер мен вагондар паркін тиімді