ЖОЛДЫ ЖӨНДЕУ МЕН КҮТУ ЖҰМЫСТАРЫНЫҢ ЕРЕКШЕЛІКТЕРІ

Аннотация

Бұл мақалада автомобиль жолдарын жөндеу және күту жұмыстарының
ерекшеліктері мен жасау технологиясы туралы жазылады. Автомобиль жолын
пайдалану үрдісінде жол жамылғысының беттік жағдайы климаттық факторларға
байланысты өзгеруі, оның көліктердің қозғалыс қарқындылығы мен жылдамдығына,
қозғалыс қауіпсіздігіне әсерін тигізетінін ескере отырып, автомобиль жолы пайдалануға
берілген күннен бастап күнделікті күту және қажетті жөндеу жұмыстарын жүргізу
арқылы, жүргізушілер мен жолаушыларға қауіпсіздік пен қолайлылықты қамтамасыз
етеді. Үлкен көлемде жолдағы әртүрлі «көрсеткіш класы» бойынша ҚР автомобиль
жолдарын әр түрлі жағдайда пайдалануда зерттеулер жүргізілуі керек.
Ақылы жолдар төлемақыны барынша жинауды қамтамасыз етіп қана қоймай,
жол желісінің жай-күйін және қозғалыс қауіпсіздігін қадағалайтын болады. Жобаны іске
асыру қазақстандық банктердің инвестициялары есебінен жүзеге асырылады.